ព័ត៌មាន
សូមផ្អាកចល័តខ្លះ!ថ្ងៃនេះករណីឆ្លងលើស៦០០នាក់ទៀតហើយ និងករណីស្លាប់ថ្មីជិត២០នាក់
June 24,2021
ករណីឆ្លងកូវីដ១៩ក្នុងប្រទេសកម្ពុជាចូលដល់ខ្ទង់៦០០ នាក់ទៀតហើយ ឯករណីស្លាប់មិនថយចុះទេ ។យោងតាមការឱ្យដឹងរបស់ក្រសួងសុខាភិបាលនាថ្ងៃទី២៤ខែមិថុនាឆ្នាំ២០២១ នេះបានឱ្យដឹងថា ករណីឆ្លងថ្មីមានរហូតទៅដល់ ៦៥៥នាក់ មានករណីស្លាប់ថ្មី១៨នាក់ ជាមួយគ្នានេះក៏មានការព្យាបាលជាសះស្បើយរហូតទៅដល់ ៦៩៦ នាក់ផងដែរ។គួរជម្រាបដែរថា គិតមកដល់ពេលនេះករណីឆ្លង៤៥ ៣៦៦នាក់ ក្នុងនោះមានករណីស្លាប់សរុប៤៩៣នាក់ព្យាបាលជាសះស្បើយសរុប៤០ ០១០នាក់។សូមបងប្អូនគ្រប់ទិសទីបង្កើនការប្រុងប្រយ័ត្ន ករណីឆ្លងនិងស្លាប់មិនមានការថមថយឡើយ បើនៅតែបន្តរីករាលដាលកនាន់តែខ្លាំង ប្រទេសជាតិប្រាកដជាកាន់តែជួបវិបត្តិ សូមការពារខ្លួនឱ្យបានល្អ៣កុំ៣ការពារ។
អ៊ីស្រាអែលទទូចឱ្យប្រជាជនផ្អាកហោះទៅក្រៅ និងពាក់ម៉ាស់វិញ ក្រោយរកឃើញឆ្លងច្រើនប្លែក
June 24,2021
កាលពីថ្ងៃទី២៣ ខែមិថុនា ឆ្នាំ២០២១ នាយករដ្ឋមន្ត្រីថ្មីរបស់អ៊ីស្រាអែលគឺ លោក Naftali Bennett បានទទូចស្នើឱ្យប្រជាជនអ៊ីស្រាអែលផ្អាកការធ្វើដំណើរឆ្លងប្រទេសជាបន្ទាន់ បន្ទាប់ពីអ៊ីស្រាអែលរកឃើញករណីឆ្លងថ្មីប្លែកដែលកើនរហូតដល់ទៅ ១២៥នាក់ នេះបើយោងតាម TheBMJ។គួរបញ្ជាក់ថានៅក្នុងចំណោមករណីឆ្លងថ្មី ១២៥នាក់នេះ មានឆ្លងកុមារចំនួន ៧៨នាក់ ហើយប្រហែលជាមួយភាគបីបានទទួលវ៉ាក់សុំាងរួចហើយ។ លោក Bennett បានមានប្រសាសន៍ថា“ គួរឱ្យបារម្ភណាស់ យើងអាចនឹងចាប់ផ្តើមផ្ទុះការរីករាលដាលនៃមេរោគកូវីដនៅក្នុងរដ្ឋអ៊ីស្រាអែលជាថ្មី បើមិនប្រយ័ត្ន”។ជាមួយគ្នានេះដែរ យោងតាមកាបញ្ជាក់របស់ប្រភពដដែលបានអោយដឹងថា ប្រជាជនអ៊ីស្រាអែលដែលមានអាយុចាប់ ១៦ឆ្នាំឡើងប្រមាណជា ៧៥% បានទទួលវ៉ាក់សុំាង Pfizer រួចហើយ ប៉ុន្តែសម្រាប់កុមារមានអាយុពី ១២ ទៅ ១៥ឆ្នាំមានប្រមាណ ២ ទៅ ៤ ភាគរយ ប៉ុណ្ណោះដែលបានទទួលវ៉ាក់សុំាង។ ដូច្នេះលោក Hezi Levi ជាអគ្គនាយកនៃក្រសួងសុខភិបាល បានមានប្រសាសន៍ថា ប្រជាជនអ៊ីស្រាអែលមិនទាន់អាចការពារមេរោគកូវីដ‑១៩ បានពេញលេញនោះទេ ដែលនេះជារឿងគួរឱ្យព្រួយបារម្ភណាស់។នៅក្នុងនោះដែរ លោក Naftali Bennett បានមានប្រសាសន៍ថា លោកសូមលើកទឹកចិត្តឱ្យប្រជាជនអ៊ីស្រាអែលទាំងអស់បន្តពាក់ម៉ាស់ និងផ្អាកការហោះហើរចេញក្រៅក្នុងករណីមិនចាំបាច់។អត្ថបទដោយ៖ ម៉ាង វិសិដ្ឋារតន៍
ខណៈពលរដ្ឋកម្ពុជាស្លាប់រាប់រយនាក់WHOផ្ដល់ជំនួយ បន្ថែមដើម្បីសង្រ្គោះអ្នកជំងឺកូវីដ១៩
June 24,2021
បច្ចុប្បន្នករណីឆ្លងកូវីដ១៩ក្នុងប្រទេសកម្ពុជា ហាក់មិនមានការថមថយឡើយ ក្នុងនោះករណីស្លាប់ពីមួយថ្ងៃទៅមួយថ្ងៃកើនឡើងគួរឱ្យព្រួយបារម្ភ។ជាមួយនឹងការកើនឡើងឥតឈប់ឈរនៃការវាយលុកកូវីដ១៩នេះ អង្គការសុខភាពពិភពលោកក៏បាន ផ្ដល់ជំនួយចាំបាច់ជាច្រើនមកដល់កម្ពុជាបន្ថែមទៀត។តាមការឱ្យដឹងរបស់ក្រសួងសុខាភិបាលនាថ្ងៃទី២៣ខែ មិថុនាឆ្នាំ២០២១ បានឱ្យដឹងថា នៅទីស្ដីការក្រសួងសុខាភិបាល បានរៀបចំពិធីប្រគល់-ទទួលជំនួយរបស់អង្គការសុខភាពពិភពលោក (WHO) ជូនរាជរដ្ឋាភិបាលកម្ពុជា ដើម្បីប្រើប្រាស់ក្នុងការការពារ ទប់ស្កាត់ និងឆ្លើយតបការរាតត្បាតជំងឺកូវីដ-១៩ សរុបជាទឹកប្រាក់ចំនួន USD 658,000.000។កម្មវិធីនេះមានការប្រព្រឹត្តទៅក្រោមអធិបតីភាពរបស់ឯកឧត្តមសាស្រ្តាចារ្យ ម៉ម ប៊ុនហេង រដ្ឋមន្រ្តីក្រសួងសុខាភិបាល រួមជាមួយ លោកស្រីវេជ្ជបណ្ឌិត Li Ailan តំណាងអង្គការសុខភាពពិភពលោក ប្រចាំកម្ពុជា។ក្នុងជំនួយជាឧបករណ៍សម្ភារៈបរិក្ខាវេជ្ជសាស្ត្ររួមមាន៖ ១ ) ម៉ាសN95 ចំនួន 70.000 ម៉ាស់ ២ ) ម៉ាស៊ីនជំនួយដកដង្ហើម (Oxygen Concentrator) ចំនួន 360គ្រឿង ៣ ) ឱសថ Dexamethasone ចំនួន19,000 ប្រអប់ ៤ ) ម៉ាស៊ីនភ្លើង ចំនួន25គ្រឿង គួរជម្រាបដែរថា ករណីឆ្លងកូវីដ១៩នៅកម្ពុជាពេលនេះហក់ដល់៤៤ ៧១១ នាក់ ក្នុងនោះករណីស្លាប់មាន ៤៧៥នាក់ ហើយកាលពីម្សិលមិញនេះដែរគឺមានករណីស្លាប់ថ្មីក្នុងមួយថ្ងៃ១៦នាក់។មួយរយៈចុងក្រោយនេះករណីស្លាប់ក្នុងមួយថ្ងៃៗមិនក្រោម១០នាក់ទេ ឯករណីឆ្លងមានច្រើនរាល់ថ្ងៃ នេះជាពេលវេលាដែលក្រុមគ្រូពេទ្យក៏ដូចជាអ្នកជំងឺកំពុងតតាំងនឹងជំងឺដ៏កាចសាហាវមួយនេះ ហើយក៏អរគុណដល់អង្គការសុខភាពពិភពលោក ចំពោះការឧបត្ថម្ភនូវសម្ភារៈចាំបាច់ជាច្រើនមុខ មកដល់កម្ពុជាដែលកំពុងជួបវិបត្តិនេះ។សូមបងប្អូនបង្កើនការប្រុងប្រយ័ត្នចំពោះមេរោគរាតត្បាតនេះឱ្យមែនទែន មិនថាស្ថិតនៅទីកន្លែងណាទេសូមរក្សាសុវត្ថិភាពឱ្យបានល្អ។អត្ថបទដោយ៖ ភោគ ម៉ារី
គិតត្រឹមថ្ងៃនេះ! កំពង់ធំរកឃើញអ្នកស្លាប់ដោយសារកូវីដ ៨នាក់ និងឆ្លងរហូតដល់ ៧២៣នាក់
June 24,2021
នាព្រឹកនេះ យោងតាម រដ្ឋាបាលខេត្តកំពង់ធំ បានប្រកាសឱ្យដឹងថា ស្ថានភាពកាន់តែធ្ងន់ធ្ងរ ខេត្តកំពង់ធំរកឃើញករណីវិជ្ជមានថ្មីចំនួន ៤៩ នាក់ និងស្លាប់ចំនួន ០៣នាក់ សូមបងប្អូនដែលរស់នៅខេត្តកំពង់ធំមេត្តាប្រុងប្រយ័ត្នឱ្យបានខ្ពស់។បើគិតត្រឹមថ្ងៃនេះ ខេត្តកំពង់ធំបានរកឃើញអ្នកវិជ្ជមានកូវីដ‑១៩ សរុបចំនួន ៧២៣នាក់ និងអ្នកជាសះស្បើយសរុបចំនួន ៣២៤នាក់ ហើយនិងអ្នកស្លាប់ចំនួន ០៨នាក់។គួរបញ្ជាក់ថា សម្រាប់អ្នកជំងឺចំនួន ៣៩១នាក់ កំពុងសម្រាកព្យាបាលនៅមន្ទីរពេទ្យខេត្ត មន្ទីរពេទ្យបង្អែកបារាយណ៍‑សន្ទុក មន្ទីរពេទ្យបង្អែកស្ទោង មណ្ឌលវិទ្យាល័យ ជា ស៊ីម ប្រឡាយ និងមណ្ឌលវិទ្យាល័យ ហ៊ុន សែន បង្អែកជាចុងក្រោយ ប្រសិនបើបងប្អូនមិនចង់ឆ្លងកូវីដ គឺត្រូវអនុវត្តនូវវិធានការការពាររបស់សម្ដេចតេជោ ហ៊ុនសែន គឺ “៣ការពារ និង ៣កុំ” ដើម្បីការពារអាយុជីវិតរបស់បងប្អូន និងក្រុមគ្រួសាររបស់បងប្អូន។អត្ថបទដោយ៖ ម៉ាង វិសិដ្ឋារតន៍
ដំណឹងល្អ! រដ្ឋបាលក្រុងភ្នំពេញនឹងប្ដូរតំបន់ពីលឿងទុំទៅជាលឿង ក្នុងភូមិសាស្ត្រទាំងនេះរយៈពេល១៤ថ្ងៃ
June 24,2021
យោងតាមសេចក្ដីប្រកាសរបស់រដ្ឋបាលក្រុងភ្នំពេញបានឱ្យដឹងថា ការដាក់តំបន់លឿងទុំសម្រាប់ភូមិសសាស្ត្រមួយចំនួននៅក្នុងក្រុងភ្នំពេញនឹងប្ដូរមកជាតំបន់ពណ៌លឿង ក្នុងរយៈពេលចំនួន១៤ថ្ងៃ ដោយគិតចាប់ពីម៉ោងសូន្យ នាថ្ងៃទី២៤ មិថុនា ឆ្នាំ២០២១រហូតដល់ថ្ងៃទី០៧ ខែកក្ដដា ឆ្នាំ២០២១។ជាមួយគ្នារដ្ឋបាលឱ្យបានបន្ថែមថា ការដាក់តំបន់លឿងទុំមកជាតំបន់លឿងនេះគឺសម្រាប់ភូមិសាស្ត្រមួយចំនួនដែលរដ្ឋបាលក្រុងបានដាក់តំបន់នោះជាតំបន់ពណ៌លឿងទុំកាលពីថ្ងៃទី០៨ មិថុនា។ ដោយឡែកតំបន់ដែលនឹងប្ដូរពណ៌នេះ រួមមានតំបន់ចោមចៅ៣ នៃសង្កាត់ចោមចៅទី២ និងផ្នែកខ្លះនៃភូមិត្រពាំងពោធិ៍ ផ្នែកខ្លះនៃភូមិព្រៃព្រីងខាងជើង២ និងផ្នែកខ្លះនៃភូមិជម្ពូវ័ន២ នៃសង្កាត់ចោមចៅទី៣ ខណ្ឌពោធិ៍សែនជ័យ ជា”តំបន់លឿងទុំ” ដើម្បីទប់ស្កាត់ការឆ្លងរាលដាលនៃជំងឺកូវីដ១៩ មកជាតំបន់”លឿង” សម្រាប់រយៈពេល១៤ថ្ងៃ។ គួរបញ្ជាក់ថា ចំពោះការធ្វើដំណើរសម្រាប់តំបន់លឿងទុំនេះ គឺអនុញ្ញាតឱ្យប្រព្រឹត្តទៅធម្មតា ប៉ុន្តែការធ្វើដំណើរចេញចូល តំបន់លឿងគឺត្រូវបានអនុញ្ញាតែក្នុងករណីចាំបាច់មួយចំនួនតែប៉ុណ្ណោះ៕ សូមអានព័ត៌មានបន្ថែមនៅខាងក្រោមនេះ៖
អង្គការសុខភាពពិភពលោកនិយាយជាថ្មីថា អ្នកចាក់វ៉ាក់សុំាងរួច កុំធ្វើរឿងទាំង ២ នេះឱ្យសោះប្រយ័ត្ន
June 23,2021
ពិតណាស់ បងប្អូនដែលទទួលវ៉ាក់សុំាងរួចប្រាកដជាចង់ដឹងថា តើរាងកាយរបស់ខ្លួនបានផលិតអង់ទីគ័រឬនៅ? នៅក្នុងនោះដែរ លោកស្រីវេជ្ជបណ្ឌិត លី វៃឡាន តំណាងឱ្យអង្គការសុខភាពពិភពលោក បានមានប្រសាសន៍ថា អ្នកមិនចាំបាច់ធ្វើតេស្ដរកអង់ទីគ័រ នៅពេលដែលបានចាក់វ៉ាក់សុំាងរួចនោះ ពីព្រោះថាវ៉ាក់សុំាងទាំងអស់នេះគឺ ត្រូវបានអង្គការសុខភាពពិភពលោកបានទទួលស្គាល់ និងដាក់បញ្ចូលក្នុងបញ្ជីប្រើប្រាស់បន្ទាន់ក្នុងគ្រាអាសន្នរួចហើយ។លោកស្រីវេជ្ជបណ្ឌិត លី វៃឡាន បានលើកឡើងបន្ថែមថា រឿង ២ យ៉ាងដែលបុគ្គលរចាក់វ៉ាក់សុំាងរួចមិនចាំបាច់ទៅរកការធ្វើតេស្តរកអង់ទីករការពារជំងឺកូវីដ‑១៩ឡើយរួមមាន៖‑រឿងទី១៖អង្គការសុខភាពពិភពលោកមិនបានផ្ដល់អនុសាសន៍ដល់ប្រជាពលរដ្ឋឱ្យទៅទិញឧបករណ៍ធ្វើតេស្តរកអង់ទីគ័រនោះទេ ពីព្រោះថាឧបករណ៍ទាំងនោះមិនទាន់ទទួលស្គាល់ពីអង្គការសុខពិភពលោកឡើយ។‑រឿងទី២៖រាល់វ៉ាក់សុំាងដែលកំពុងប្រើប្រាស់នៅកម្ពុជា គឺត្រូវបានអង្គការសុខភាពពិភពលោកទទួលស្គាល់គុណភាព និងបានដាក់បញ្ចូលក្នុងបញ្ជីប្រើប្រាស់បន្ទាន់ក្នុងគ្រាអាសន្នរួចហើយ សូមកុំបារម្ភអី ពីព្រោះថារាល់វ៉ាក់ដែលដាក់ឱ្យប្រើប្រាស់សុទ្ធតែឆ្លងកាត់ការធ្វើតេស្តតាមលក្ខណៈវេជ្ជសាស្រ្ត។ដូច្នេះ សូមប្រជាពលរដ្ឋកុំព្រួយបារម្ភ និងចំណាយថវិកាដើម្បីទិញឧបរកណ៍តេស្តទាំងនេះ អ្វីដែលចាំបាច់ក្នុងពេលនេះ គឺត្រូវបន្តទៅចាក់វ៉ាក់សុំាង និងបន្តអនុវត្តនូវវិធានការរបស់សុខាភិបាល។អត្ថបទដោយ៖ ម៉ាង វិសិដ្ឋារតន៍
